.png)
Drejtuesja e Prokurorisë së Apelit Korçë, Irma Balliu, nuk ka mundur të kalojë procesin e vettingut. KPK ka njoftuar shkarkimin e saj nga detyra.
Gjatë seancës dëgjimore, ajo u përball me dyshime për mungesë të burimeve financiare, fshehje të pasurisë dhe shmangie të taksave.
Irma Balli kishte pasuri familjare me vlerë 17.2 milionë lekë në vitin 2003 dhe referuar deklaratës së parë të dorëzuar në IDLKPI, prokurorja dhe bashkëshorti i saj zotërojnë 1/4 e një pike karburanti dhe një dyqan në qytetin e Korçës me vlerë 10 milion lekë, një apartament prej 6 milion lekësh, një automjet “Benz”, ndërkohë që i shoqi ishte aksioner me 25% në një kompani për tregtimin e karburantit.
Drejtuesja e prokurorisë së Apelit të Korçës nuk ka deklaruar një kat të ndërtesës në kërkesën për leje ndërtimi të karburantit dhe për këtë janë ngritur dyshime për ndërhyrje të pajustifikuara në dokumentacionin për ndërtesën.
Lidhur me këtë pretendim, prokurorja tha se praktika e regjistrimit të pronës është bërë nga babai dhe jo nga ajo vetë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje