.png)
Lulzim Basha mbylli në selinë e PD-së protestën e opozitës. Duke kënduar himnin kombëtar, ai bëri thirrje për ato që i cilësoi beteja të reja dhe protesta në të gjithë Shqipërinë.
Në selinë e PD-së, Basha e nisi fjalimin me thirrjet “e duam Shqipërinë si gjithë Europa”.
“Opozita parlamentare dorëzoi mandatet dhe i vuri kryqin parlamentit të krimit. Që sot jemi qytetarë të thjeshtë. Le ta shpërndajmë këtë energji europiane, këtë racë fisnike siç jemi ne. Nuk do të ndalemi deri në rrëzimin e parlamentit. Shqipëria do të ketë një të ardhme. Bëhuni gati për betejën e radhës në qytete të tjera”, u shpreh ndër të tjera Basha.
Më herët, kryedemokrati Lulzim Basha dorëzoi në Kryesinë e Kuvendit mandatin e deputetit dhe u prit me ovacione nga qindra mbështetës.
Ndërkohë kanë dorëzuar mandatet e tyre edhe deputetët e tjerë opozitarë. Më pas, Basha dhe kryetarja e LSI-së, Kryemadhi, iu drejtuan rrugës që të shpie në selinë blu. Edhe pjesa më e madhe e protestuesve u zhvendosën në selinë e Partisë Demokratike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje