.png)
Bashkimi Europian ka ndarë 32 milion euro për t’i ndihmuar vendet e Ballkanit Perëndimor, mes tyre edhe Shqipërinë, për të shkuar drejt energjisë së gjelbër.
Ky vendim u njoftua nga Komisioneri i Zgjerimit të BE, Johannes Hahn gjatë takimit të mbajtur me ministrat e energjisë të gjashtë shteteve të Ballkanit Perëndimor, që po zhvillohet në Podgoricë.
“Energjia dhe lufta kundër ndryshimeve klimaterike janë dy nga objektivat që BE-ja synon të arrijë përmes buxhetit prej 32 milionë eurosh për ve Ballkanin Perëndimor”, deklaroi Hahn. “Fondet janë të destinuara për kalimin e rajonit në energji e gjelbër, në mënyrë të përmbushë sa më shpejt të jetë e mundur standardet mjedisore të BE-së dhe ato të marrëveshjes së Parisit”, shpjegoi Hahn.
“Ballkani Perëndimor ka potencial të madh në sektorin e energjisë”, theksoi komisioneri duke inkurajuar ministrat e Ballkanit Perëndimor të kapërcenin pengesat politike dhe çështjet bilaterale.
Komisioneri Johannes Hahn hapi së bashku me kryeministrin e Malit të Zi, Duško Markoviç, takimin ministror për tranzicionin e energjisë së pastër duke thënë se deri në vitin 2030 vendet e rajonit duhet të ketë rritur burimet e ripërtëritshme me të paktën 32% dhe të ulin emetimet e gazrave serrë me 40%”.
Ai theksoi po ashtu se këto objektiva do të ndihmojnë vendet e rajonit të rrisin investimet dhe vendet e punës.
Ky ishte në fakt edhe një nga qëllimet e përcaktuara në Samitin e Sofjes, ku në deklaratën e përbashkët, BE-ja kërkonte përmirësimin e efikasitetit energjetik, ndërlidhjeve ndërkufitare mes vendeve të Ballkanit, diversifikimin e burimeve të energjisë si dhe rritjen e prodhimit të energjisë e rinovueshme.
Ky hap vjen gati një vit, pasi Komisioni Europian ka bërë publik një projekt mjaft ambicioz për dixhitalizimin e Ballkanin Perëndimor. Sipas përfaqësuesve europianë ky program synon të mbështesë tranzicionin e rajonit në një ekonomi dixhitale dhe të korrë përfitime të mëdha nga transformimi digjital, si rritja më e shpejtë ekonomike, rritja e vendeve pune dhe shërbime më të mira sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje