.png)
Tanimë është zyrtare, Stevo Pendarovski, Koordinatori i Maqedonië së Veriut për NATO-n, është kandidati i përzgjedhur nga kryeministri Zoran Zaev dhe partner i tij qeveritar, Ali Ahmeti.
Kreu i LSDM dhe kryetari i BDI-së kanë zhvilluar një mbledhje sapo ky i fundit ka mbërritur në Shkup, pas pjesëmarrjes në samitin e diasporës në Tiranë.
Stevo Pendarovski është nominuar nga Zaevi dhe ka marrë më pas mbështetjen e partnerëve të tjerë të koalicionit. Në takimin ishin dy emra, ai i Pendarovskit dhe ai i Oliver Spasovskit.
Kordinarori i NATO-s duket se kishte përparësi edhe për shkak të punës së pareshtur për anëtërësimin e Maqedonisë së Veriut në aleancën veri-atlantike.
Vendimi për zgjedhje e tij erdhi pas kryeministri maqedonas dhe Ali Ahmeti arritën të mërkurën një marrëveshje për kandidatin e përbashkët presidencial, i u mbështetet nga Alternativa dhe PDSH-ja.
Aleanca për Shqiptarët dhe BESA njoftuan se do të mbështesin profesorin Blerim Reka, i cili shpalli të enjten kandidaturën e pavarur. Si Reka ashtu edhe Stevo Pendarovski do të kandidojnë përballë Gordana Siljanovska-Davkova, kandidatja e VMRO-DPMNE-së opozitare.
Raundi i parë per zgjedhjet e gjashta presidenciale u caktua për më 21 prill, ndërsa i dyti do të mbahet më 5 maj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje