.png)
Champions League i këtij edicioni ndryshon nga vitet e mëparshme. Rruga për në Madrid do të skicohet më 15 mars në Nion, kur katër skuadrat që do të jenë kualifikuar, do ta kenë të qartë se kundër kujt do të luajnë në gjysmëfinale. Do të kenë gjithashtu një ide se me cilën skuadër mund të kryqëzohen në ndeshjen pasardhëse.
Champions League është kompeticioni më i rëndësishëm në nivel klubesh dhe rrjedhimisht edhe më tërheqësi. Kupa me veshë të mëdhenj është trofeu që i intereson çdo klubi të madh, pa dyshim edhe tifozëve të tij. Pjesa më interesante janë natyrisht ndeshjet, por edhe shorti është një moment me shumë rëndësi. Ditën e shortit të gjithë janë të fokusuar te goglat dhe presin me ankth çfarë fati u rezervojnë ato, me cilin kundërshtar do të ndeshen. Dhe kur lufta bëhet më e fortë dhe ndeshjet janë me eliminim direkt, çiftet që përcaktohen janë thelbësore në garë. Por këtë herë diçka ndryshon: shorti i çerekfinaleve do të vendosë gjithçka për pjesën e mbetur të këtij edicioni.
Kjo do të thotë se rruga për në finalen e Madridit do të jetë e përcaktuar që prej 15 marsit, kur në Nion, tetë skuadrat e kualifikuara për në çerekfinale do të mësojnë edhe kundërshtarin në gjysmëfinale. Skema do të jetë e qartë që në këtë datë, kur do të përcaktohet se cilat çifte do të përplasen në gjysmëfinale dhe më pas në finale. Si çdo edicion tjetër, shorti do të jetë më koka vazosh dhe me skuadra të të njëjtit shtet, që mund të ndeshen mes tyre në këtë fazë të kompeticionit. Një skemë si ajo e turneve të tenisit, pa pasur nevojën e një shorti tjetër për gjysmëfinalet.
Hera e fundit që Championsi ka funksionuar me këtë skemë i takon sezonit 2010/2011, kur Barcelona fitoi trofeun kundër Mançester Junajtid në Londër. Ky vendim sjell kujtime të bukura për interistët, sjell kujtime e sezonit të tripletës së famshme. Zikaltërit fituan Championsin me një skemë të tillë, ku pasi eliminuan Çelsin dhe në çerekfinale luajtën me CSKA-në, e dinin se do të ndesheshin me fituesin e çiftit Arsenal-Barcelona në gjysmëfinale. U përballën me katalanasit, duke i eliminuar ata, për të fituar më pas në finalen ndaj Bajernit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje