.png)
Qytetarë të shumtë shqiptarë, të cilët janë emigrantë prej vitesh në Greqi, po protestojnë sot përpara ambasadës shqiptare në Athinë.
Nën thirrjet “Rama ik”, qytetarët shprehen të vendosur për ta vazhduar protestën e tyre edhe në ditët në vazhdim.
“Duhet të bjerë ky sistem, drejtësia është marrë peng. Rama e ka dhënë të gjithë Shqipërinë me koncesion”, u shpreh një prej qytetarëve.
Emigrantët kanë ngritur edhe problemet e kostove të pasaportave apo marrëveshjes për njohjen e patentave mes dy vendeve.
“Keni 6 vite kryeministër zoti Rama si nuk keni ardhur njëherë që të na takoni, çfarë keni bërë në drejtim të marrëveshjes së rreme të patentave? Çfarë marrëveshje po bëni fshehurazi me qeverinë greke, pa na pyetur aspak ne 700 mijë emigrantët që jetojmë dhe punojmë në këtë vend?
Kostoja e pasaportave për emigrantët shqiptarë është trefishi i asaj që i duhet një qytetari europian. Përpara pak ditësh u vodhën pasaportat shqiptare, për t’i shitur në vende të tjera”, shprehet një tjetër emigrant.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje