.png)
Dy ditë pas ekzekutimit të Jurgen Kurtit, policia ka shpallur në kërkim djalin e të ndjerit Agim Arapi, ngjarje për të cilën u shoqërua dhe më pas u deklarua i pafajshëm viktima Kurti.
Bëhet fjalë për shtetasin Dervis Arapi, i cili është tashmë në kërkim nga policia.
Pasi ka marrë vesh lajmin se i biri është në kërkim, nëna e tij, Vjollca Arapi ka reaguar e revoltuar, duke e quajtur këtë një skandal.
“Ky është një skandal, policia të kërkojë në tjetër vend për vrasësit e Jurgenit. Neve dhe fisi ynë nuk ka lidhje fare me këtë ngjarje të fundit”, është shprehur ajo.
Ekzekutimi i Jurgen Kurtit, mbrëmjen e 18 marsit në rrugën “Zef Jubani”, në Tiranë, është kryer në momentin që ishte duke u kthyer në banesë, ndërsa autorët i zënë pritë dhe më pas e kanë qëlluar me breshëri automatiku.
Pista kryesore ku po heton policia është ajo e hakmarrjes. Viktima ishte i dyshuar për vrasjen e Agim Arapit në Durrës, ngjarje e ndodhur në vitin 2017.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje