.png)
Pesë muaj punë vullnetare. Pesë muaj në dispozicion të fëmijëve me aftësi të kufizuara të akademisë “Calcio Integrato” në Romë, për t’u mësuar atyre sekretet e profesionit të tij, futbollit. Ky është vendimi që ka marrë Gjykata e Romës për sulmuesin Stefan El Sharaui. Është një dënim për lojtarin e Romës, që në shtator të vitit 2016 kishte shkaktuar një aksident automobilistik, duke u përplasur me veturën e drejtuar nga një 70-vjeçar.
Për të evituar dënimin, pas denoncimit ndaj futbollistit të Romës dhe procesit gjyqësor ndaj tij, El Sharaui duhet t’u japë leksione futbolli fëmijëve me aftësi të kufizuara në qendrën e zgjedhur për këtë qëllim. Pas incidentit të ndodhur më 25 shtator 2016 në kryeqytetin e Italisë, sulmuesi i Romës kishte marrë përsipër përgjegjësitë e tij dhe ishte shprehur i gatshëm të shlyente dëmin e shkaktuar ndaj makinës tjetër dhe drejtuesit të saj. Ishte pikërisht ky i fundit që bëri denoncimin për ngjarjen dhe e ka ndjekur çështjen në lidhje me detyrimet e futbollistit.
Gjykata ka vendosur tashmë që të vërë në provë Stefan El Sharauin, i cili ka 5 muaj në dispozicion për të vënë në shërbim të komunitetit, më saktë të një pjese të caktuar të tij, njohuritë dhe atësitë e tij profesionale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje