.png)
Një tjetër lajm i hidhur për futbollin shqiptar. Një tjetër ish-futbollist dhe ish-trajner legjendar i Tiranës, Fatmir Frashëri, është ndarë nga jeta në moshën 78-vjeçare. Pas Ali Memës, i cili ndërroi jetë pak muaj më parë, shuhet një tjetër emblemë bardheblu. Fatmir Frashëri, ish-mbrojtësi i famshëm i Tiranës dhe Kombëtares në vitet 1960-1970, vuante prej një viti nga një sëmundje, që e ka mposhtur.
Ikona bardheblu ishte 78 vjeç dhe vdekja e tij ka lënduar jo vetëm klubin dhe tifozërinë e Tiranës, por gjithë opinionin futbolldashës. Frashëri ka qenë një personalitet më të mëdha të futbollit shqiptar, si futbollist dhe si trajner. Ai është nderuar më titullin “Mjeshtër i Madh” dhe “Mjeshtër i Merituar”. Është shpallur 4 herë kampion i vendit me Tiranën, kurse si trajner e ka fituar titullin kampion një herë me Tiranën dhe një herë tjetër me Dinamon. Karriera e tij lidhet thuajse e gjitha m e Tiranën, ku ka qenë edhe president nderi.
Pas lajmit të hidhur të ndarjes nga jeta të Fatmir Frashërit, kanë reaguar shumë personalitete të sportit dhe jo vetëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje