.png)
Katër tifozë të Bajernit të Mynihut janë plagosur nga një sulm i huliganëve grekë para ndeshjes mes Olimpiakosin në Champions League. Sipas lajmeve të shtypit grek, që i referoheshin policisë, rreth 80 persona, shumica e të cilëve mbanin kaska motoçikletash, kanë pushtuar fushën në një qendër stërvitore në Athinë, ku po luhej ndeshja e Youth League mes 19-vjeçarëve të Olimpiakosit dhe moshatarëve të tyre gjermanë.
Këta persona filluan të ushtronin dhunë ndaj tifozëve gjermanë të pranishëm në shkallët përreth. Nuk janë bërë të ditura ende detajet për arrestimet apo shkallën e dëmtimit të tifozëve gjermanë, të cilët janë mjekur në spital.
Kjo është një njollë e rëndë për Greqinë. Menjëherë klubi i Olimpiakosit ka kërkuar ndjesë publike për ngjarjen e dhunshme. Në stadiumin “Karaiskaki”, ku më pas Bajerni u ndesh me Olimpiakosin, ishin të pranishëm rreth 1600 tifozë të bavarezëve. Lajmi i kësaj ngjarjeje ka bërë bujë në mediet më të mëdha europiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje