.png)
Nuk mund ta humbiste Interi kurrsesi shansin për fitoren e parë në Champions. Në “San Siro”, ndaj një rivali direkt si Borusia Dortmund, skuadra e Kontes ka bërë detyrën, duke mundur 2-0 gjermanët dhe duke i parakaluar ata njokohësisht në renditje. Një gol i Lautaro Martinez në limitet e pozicionit të rregullt zhbllokoi rezultatin në pjesën e parë. Në fundin e ndeshjes dyfishoi Kandreva, ndërkohë që pak minuta më parë Lautaro Martinez shpërdoroi një 11-metërsh. Borusia, me mungesa të rëndësishme, nuk dha atë që pritej në Milano dhe e meritoi humbjen.
Interi mban vendin e dytë pas kësaj fitoreje, me 4 pikë, po aq sa ka edhe Borusia dhe ndoshta fatin e kualifikimit do ta vendosë ndeshja tjetër në Dortmund, ku zikaltrit duhet të mos humbin. Barcelona kryeson grupin, pas fitores 1-2 në fushën e Sllavias së Pragës, e ndihmuar nga një autogol i Peter Olajinkës. Thuajse të gjitha skuadrat e mëdha kanë treguar dhëmbët në ndeshjet e treta në grup. Kampionët në fuqi të Liverpulit mposhtën thellë Genkun në Belgjikë. Të besuarit e Klop shënuan 4 herë në këtë ndeshje dhe vazhdojnë të qetë rrugëtimin e tryre për të mbrojtutr kurorën.
Fitoi edhe Napoli në fushën e Salcburgut, por me vështirësi. Mertens dy herë dhe më pas Insinje shënuan golat e fitores 2-3 të skuadrës së Ançelotit. Benfika mundi 2-1 Lionin, kurse Valencia barazoi 1-1 në fushën e Lilës. Deri diku surprizë mund të quhet fitorja e Çelsit në fushën e Ajaksit, falë golit të Baçuauit në fundin e ndeshjes. Një fifore me vlera për ekipin e drejtuar nga Frenk Lampard.
Rezultatet e ndeshjeve të sotme
Lajpcig-Zenit 2-1
Ajaks-Çelsi 0-1
Genk-Liverpul 1-4
Inter-Borusia Dortmund 2-0
Sllavia Pragë-Barcelona 1-2
Benfika-Lion 2-1
Lilë-Valencia 1-1
Salcburg-Napoli 2-3
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje