.png)
Partizani-Skënderbeu është ndeshja që mbyll javën e 9-të të Superiores, njëkohësisht edhe fazën e parë të kampionatit. I favorizuar nga rezultatet e katër ndeshjeve të djeshme, ekipi i kuq ka sot shansin e artë të ngjitet në vend të parë. Kampionët në fuqi kanë 14 pikë dhe me një fitore të mundshme ndaj korçarëve do të parakalonin gjithë rivalët. Kjo është arsyeja kryesore pse të kuqtë duhet të bëjnë gjithçka për të fituar në “Selman Stërmasi”.
Skënderbeu është një rival “i betuar” i viteve të fundit dhe tifozët e Partizanit kërkojnë me çdo kusht që skuadra e tyre të triumfojë. Nëse sot merr kreun, Partizani më pas ka mundësinë e shkëputjes nga rivalët, sepse kalendari e favorizon, kështu që nuk mund ta humbë këtë shans. Pas atij fillimi të dobët, të kuqtë kanë gjithçka në dorën e tyre për të vënë pak rregull në kreun e renditjes. Trajneri Franko Lerda ka një grup më të plotë këtë radhë dhe nuk ka asnjë justifikim. Të gjitha rrugët e çojnë Partizanin te fitorja.
Trajneri italian i kampionëve ka folur me superlativa për kundërshtarin, duke iu referuar ndeshjes së Skënderbeut me Kukësin. Lerda ka theksuar se Skënderbeu prodhon futboll të bukur dhe rezultativ, ndaj dhe ka kërkuar nga të tijtë që të ruajnë përqendrimin për të mos u ndëshkuar nga kualitetet e korçarëve. Këta të fundit treguan vërtet një formë të mirë në ndeshjen e fundit, pavarësisht se nuk mundën të fitonin. Trajneri Ilir Daja ka besim se ekipi i tij do të vazhdojë me këtë ritëm, pasi e ka kapacitetin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje