.png)
Interi reagon mirë pas barazimit në “San Siro” ndaj Parmës dhe fiton në fushën e Breshias, me rezultatin 1-2. Një fitore e rëndësishme, që i jep kryesimin e përkohshëm Interit me 25 pikë, por Juventusi nuk e ka luajtur ndeshjen e tij. Një gol i Lautaro Martinez në pjesën e parë, i ndihmuar nga një devijim, si dhe një gol i Lukakut në të dytën, kanë bërë që skuadra e Kontes të triumfojë në Breshia. Një autogol i Skriniar rihapi ndeshjen, por vetëm kaq. Nga stoli e nisi ndeshjen për Breshian mesfushori i Kombëtares, Emanuele Ndoj, i cili e ka lënë pas dëmtimin dhe u hodh në fushë në pjesën e dytë, ku u ndëshkua me karton të verdhë.
Vazhdon të shkëlqejë në serinë A Marash Kumbulla, i cili ka dalë fitimtar me Veronën në shtëpinë e Dermakut. Skuadra e shkodranit kuqezi fitoi 0-1 në transfertë, me një gol të serbit Lazoviç, por paraqitja e Kumbullës edhe në këtë ndeshje ishte mbresëlënëse. Shtypi italian e konsideron tashmë si surprizën më të bukur të këtij kampionati sa u takon mbrojtësve. Kumbulla ishte pranë golit në një moment, gjatë zhvillimeve të një goditjeje këndi, por u ndal nga portieri i Parmës. Edhe Dermaku rrezikoi në portën e Veronës, por edhe ai ishte pa fat. Dermaku u vlerësua me notën 6, ndërsa Kumbulla me notën 7, duke qenë ndër më të mirët në fushë bashkë me autorin e golit, Lazoviç.
Verona i largohet zonës së ftohtë pas kësaj fitoreje, pasi ngjitet në kuotën e 12 pikëve, ndërsa Parma ka 13. Kumbulla vazhdon të ketë një rritje konstante në lojën e tij dhe kërkesat për të me siguri do të shtohen. Klubet e mëdha, duke parë moshën e re të mbrojtësit kuqezi, janë vënë në garë që tani për ta blerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje