.png)
Mançester Junajtid, PSG, Juventusi… Asnjë prej tyre. Sulmuesi 19-vjeçar norvegjez, që i mahniti të gjithë me golat e shënuar me fanellën e Salcburgut, ka zgjedhur gjermanët e Borusia Dortmund. Nuk është një lajm rutinë merkatoje, por një blerje zyrtare e klubit të madh gjerman, që është një nga më adaptët për lojtarët e rinj.
Erling Braut Haland vjen pas një sezoni impresionues, me 28 gola të shënuar, ndaj dhe ishte vënë në shënjestrën e klubeve të mëdha europiane. Ai ka bërë një zgjedhje befasuese, duke shkuar në Bundesligë. Sulmuesi i ri ka firmosur një kontratë 4-vjeçare dhe do të bashkohet me klubin e ri më 3 janar. “Do të jetë e pabesueshme të luaj përpara 80 mijë tifozëve”, – ka thënë norvegjezi, duke iu referuar stadiumit të Borusias, “Signal Iduna Park” dhe të ashtuquajturit “muri i verdhë”.
Borusia Dortmund bën kështu goditjen e madhe të merkatos së dimrit që për Mançester Junajtid dhe Juventusin vjen si një “rrufe në qiell të hapur” dhe tani duhet të shohin alternativa të tjera për sulmues. Haland, i datëlindjes 2000, ka qenë protagonist i një sezoni të jashtëzakonshëm me Salcburgun, me një rendiment të jashtëzakonshëm, 28 gola në të gjitha kompeticionet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje