.png)
Antonio Conte kërkon medoemos përforcime në mesfushë. Sipas mediave sportive italiane, porosia kryesore që ai u ka dhënë drejtuesve të Interit është mesfushori Arturo Vidal, të cilin e njeh mirë pasi e ka stërvitur më parë tek Juventusi.
Edhe vetë Vidal, që në Camp Nou ka ngrohur më shumë stolin sesa është aktivizuar, u ka shkelur syrin “zikaltërve” dhe nuk ka mohuar një rikthim në Serinë A. Por, pengesa është Barcelona, që nuk kërkon ta shesë.
Megjithatë, për të mos lënë duarbosh Antonio Conten, drejtuesit e Interit duket se kanë arritur marrëveshjen me Christian Eriksen të Totenhemit. Kjo është ajo që raportojnë mediat daneze. “Ekstra Bladet” thotë se Totenhemi e ka bekuar marrëveshjen, duke u përpjekur që të arkëtojë 20 deri në 25 milionë euro tani, për të shmangur rrezikun që lojtari të largohet me parametra zero në qershor, kur i përfundon kontrata.
E njëjta media thotë se Eriksen pritet që në ditët në vazhdim të kryejë vizitat mjekësore në Milano dhe më pas t’i bashkohet grupit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje