.png)
Në Premier League kanë vendosur të bëjnë një hap prapa. Klubet e nivelit më të lartë të futbollit anglez kanë votuar pro ndryshimit të mbylljes së afatit të merkatos verore. Ata kanë rënë dakord që merkatoja verore të jetë e hapur deri më 1 shtator. Në 2019-ën, merkatoja në kampionatin anglez është mbyllur më 8 gusht, para fillimit të sezonit.
“Sot, gjatë një mbledhjeje të drejtuesve të futbollit, klubet e Premier League kanë votuar pro ndryshimit të datës së mbylljes së merkatos verore për sezonin e ri, 2020/2021, – shkruhet në njoftimin zyrtar të Federatës Angleze. – Data e mbylljes së merkatos, siç ka qenë traditë, do të jetë fundi i gushtit. Në 2020-ën, lëvizjet e futbollistëve gjatë merkatos së verës do të lejohen deri më 1 shtator, ora 17:00. Klubet kanë gjetur akordin, pasi kanë diskutuar në lidhje me këtë argument në mbledhje të mëparshme”.
Anglia u bashkohet kështu kampionateve të tjera të mëdha në Europë, duke fshirë një vendim që kishte sjellë diskutime, sepse i penalizonte skuadrat e Premier League në raport me rivalët europianë. Vendimtar në këtë çështje ka qenë vullneti i klubeve më të mëdha në Angli. Në këtë mënyrë, klubet e Premier League, do të kenë edhe më shumë se tri javë kohë se më parë për të bërë transferime lojtarësh në merkaton e verës, çka do të thotë se shtohen shanset që kampionati anglez të ketë edhe më shumë lojtarë në përbërje të tij. Aktualisht, kampionati anglez është nga më joshësit për futbollistët e njohur, si për anën sportive, ashtu edhe për atë financiare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje