.png)
Në stolin e Kukësit pritet të ulet trajneri kampion, Skënder Gega, por për momentin klubi kuksian duket kërkon të marrë edhe pak kohë. Presidenti i skuadrës veriore, Safet Gjici, pas barazimit në Durrës me Teutën vendosi të mbyllte bashkëpunimin me Shpëtim Duron. Rezultatet e tri javëve të fundit të kampionatit, me 2 pikë nga 9 të mundshme, ndikuan në shkarkimin e Duros.
Kur pritej zyrtarizmi i gegës, klubi verior bën të ditur se ekipi do të drejtohet në stërvitje nga Rrahman Hallaçi, ish-kapiteni i Kukësit, deri në zyrtarizmin e trajnerit të ri. “Konferenca e prezantimit të trajnerit nuk do të zhvillohet ditën e sotme. Nesër ekipi do të dalë në stërvitje dhe trajner i përkohshëm do të jetë ish-kapiteni Rrahman Hallaçi, që rikthehet te Kukësi pas një aventure të suksesshme si futbollist. Prezantimi i trajnerit të ri do të bëhet në një moment të dytë”, shkruhet në njoftimin zyrtar të klubit kuksian sa i takon çështjes së trajnerit.
Pas shkarkimit të Duros në skenë doli emri i Skënder Gegës si favorit për marrjen e drejtimit të Kukësit. Pas largimit nga Partizani në fund të sezonit që shkoi, ku ai i ktheu të kuqtë te titulli kampion, Gega nuk ka drejtuar asnjë skuadër tjetër. Ai ishte shumë pranë një aventure në Arabi, por marrëveshja dështoi në momentet e fundit. Skënder Gega ka qenë shumë afër zyrtarizimit të një bashkëpunimi me Kukësin edhe para se të merrte drejtimin e Partizanit, por në atë kohë Gjici zgjodhi trajnerin serb, Mlladen Milinkoviç.
Edhe Rrahman Hallaçi u përfol si kandidat për stolin e Kukësit, por klubi sqaron se ai do ta drejtojë përkohësisht ekipin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje