.png)
Qazim Sejdini dhe Vangjush Dako do të jenë sërish pjesë e Asamblesë së Partisë Socialiste, pavarësisht se nuk janë më kryetarë bashkish, përkatësisht në Elbasan dhe Durrës.
Dy ish-kryebashkiakët e përfolur dhe të akuzuar edhe nga opozita ja kanë dalë mbanë që të sigurojnë votat e mjaftueshme të delegatëve nga këta dy qytete për t’u bërë pjesë e Asamblesë.
Ndërkohë, delegatët e Tiranës kanë votuar për në asamble numrin dy të bashkisë së kryeqytetit, Arbjan Mazniku dhe ish-ambasadorit të Shqipërisë në Turqi, Genti Gazheli, dy emra të përfolur, i pari për shpenzimet e paguara nga kompania Fusha gjatë një udhëtimi në Barcelonë dhe i dyti për mosveprim për lirimin e Alvinit nga kampet siriane.
Ish-drejtori i Autoritetit Rrugor Shqiptar, Afrim Qendro është zgjedhur gjithashtu pjesë e Asamblesë së socialistëve nga votat e delegatëve të Vlorës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje