Flamuri i SHBA në tubim, reagon Yuri Kim: U surprizova, s’kemi asnjë lidhje me “manifestimin”

Pas mbylljes së manifestimit në sheshin “Nënë Tereza” të thirrur nga presidenti Ilir Meta, ka reaguar ambasadorja ameriakne, Yuri Kim, e cila është shprehur e befasuar se ka parë të valëvitej flamuri amerikan, madje ai është mbajtur edhe nga vetë kreu i shtetit gjatë fjalimit të tij.
“U surprizova kur pashë flamurin e SHBA-ve në “manifestim “e sotëm. Për të shmangur cdo konfuzion, dëshirojmë të sqarojmë se ndërsa SHBA mbështesin të drejtën e protestës paqësore, nuk kemi asnjë lidhje me këtë “manifestim” në mbrëmjen e sotme”, shkruan ambasadorja Kim në rrjetet sociale.

I was surprised to see the US flag at tonight’s “manifestation.” To avoid any confusion, we wish to clarify that while the US supports the right of peaceful protest, we have nothing to do with tonight’s “manifestation.”

— U.S. Ambassador to Albania (@USAmbAlbania) March 2, 2020

Presidenti Ilir Meta gjatë fjalimit të tij mori edhe flamurin e SHBA-ve në dorë dhe se deklaroi se “përpara Shqipërisë nuk vendos asnjë flamur tjetër dhe se për këtë lëvizje të tij ka mbështetjen e shqiptaro-amerikanëve”.
Kim nga ana e asaj ka qenë tepër aktive në ditën e hënë, ku para tubimit pati edhe një drekë pune me kryedemokratin Lulzim Basha.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---