.png)
Shtypi italian ka zbuluar një detaj interesant në lidhje me stadiumin “Air Albania”. Sipas “Tuttosport”, stadiumi i kryeqytetit shqiptar ishte menduar nga drejtuesit e Juventusit për të zhvilluar ndeshjen e kthimit me Lionin në Champions League, por situata me Koronavirusin e ka hedhur poshtë këtë pistë.
Ndeshja në fjalë është programuar të luhet më 17 mars dhe në fillim u hodh ideja për të luajtur në Maltë, ku Juventusi do të kishte në mbështetje tifozët e vet, por autoritetet malteze kthyen përgjigje negative. Përveç Maltës, një hipotezë e klubit të Juventusit, gjithmonë sipas shtypit italian, ka qenë edhe “Air Albania Stadium”, por gjithçka ka rënë poshtë për shkak të të situatës alarmante me Koronavirusin.
Do të ishte bukur, nëse Juventusi do të luante një ndeshje Championsi në “Air Albania”, me mbështetjen e tifozëve italianë dhe shqiptarë, por tashmë edhe në Shqipëri është vendosur të luhet me dyer të mbyllura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje