.png)
Dy yjet e futbollit kilen, Arturo Vidal i Barcelonës dhe Aleksis Sançez i Interit, me rikthimin në vendin e tyre për ndeshjet kualifikuese të Botërorit, do të futen në karantinë. Lajmin e ka bërë të ditur Ministri i Shëndetësisë, Jaime Manalich. Kili do të grumbullohet për dy ndeshjet e radhës kundër Uruguait më 26 mars dhe 5 ditë më pas ndaj Kolumbisë.
“Nuk bëjmë asnjë dallim rreth profesionit të personave, sepse askush nuk është imun ndaj këtij virusi”, – ka thënë Manalich, i cili e ka lënë në dorën e futbollistëve zgjedhjen për ta përballuar periudhën e izolimit në banesat e tyre apo në mënyrë kolektive në impiantet e ekipit kombëtar.
Përveç Vidalit dhe Sançezit, edhe mesfushori i Bolonjës, Geri Medel, mund të përfundojë në karantinë sapo të kthehet në Kili. Janë masa të detyrueshme për të gjithë në vendin amerikano-jugor dhe futbollistët e kombëtares nuk bëjnë përjashtim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje