.png)
Me një njoftim zyrtar, Federata Shqiptare e Futbollit bën të ditur se janë anuluar të gjitha grumbullimet e kombëtareve të moshave që ishin parashikuar për këtë muaj.
Komiteti i Emergjencës në Federatën e Futbollit, pasi ka vlerësuar situatën e krijuar së fundi në vendin tonë dhe pas konsultimeve me specialistët përkatës, ka marrë vendimin që asnjë nga kombëtaret e moshave, duke nisur nga U-15-a e deri tek U-20-a, të mos grumbullohet.
Kombëtarja U–15 kishte parashikuar një grumbullim rutinë mes datave 16-20 mars, U-19-a kishte parashikuar një grumbullim në Shqipëri në datat 24-31 mars për dy miqësoret me Kosovën më 29 dhe 31 mars, ndërsa kombëtarja U-20 kishte parashikuar një grumbullim rutinë dhe miqësore brenda Shqipërisë mes datave 25-30 mars.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje