.png)
Koronavirusi “zbarkon” edhe në Bundesligë. Kampionati gjerman ishte i fundit që vendosi për pezullimin e ndeshjeve dhe bëri mirë, sepse është konfirmuar edhe rasti i parë. Trajneri i Paderbornit, Steven Baumgart, ka rezultuar pozitiv. Lajmin e ka konfirmuar vetë trajneri gjerman, i cili ka në skuadër edhe mesfushorin e Kombëtares, Klaus Gjasula.
Paderborni tashmë duhet të futet në karantinë, që do të thotë një tjetër kuqezi i izoluar, siç kanë bërë tashmë Marash Kumbulla, Emanuele Ndoj, Xhakomo Vrioni, Etrit Berisha dhe Armando Broja. Situata po përshkallëzohet dhe rastet e të infektuarve me Koronavirus po shtohen gjithmonë e më shumë edhe në futboll.
Klaus Gjasula ka vite që luan me Paderbornin, që nga kategoritë e ulëta e deri tani në Bundesligë. Ai është titullar dhe në shumë ndeshje ka mbajtur edhe shiritin e kapitenit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje