.png)
Lista e lojtarëve që kanë rezultuar pozitivë me Koronavirus ka filluar të rritet. Të fundit janë tre lojtarë të Fiorentinës të prekur nga COVID-19. Fillimisht, ishte Dushan Vlahoviç që u konfirmua zyrtarisht, duke vënë në alarm Fiorentinën dhe të gjithë pjesëtarët e saj iu nënshtruan kontrolleve.
Patrik Kutrone dhe German Pecela janë dy futbollistët e tjerë të Fiorentinës rezultuan pozitivë me Koronavirus, bashkë me ta edhe fizioterapisti Stefano Daineli. Lajmin e ka bërë të ditur klubi nga Firence, duke njoftuar gjithashtu se të gjithë të infektuarit janë në gjendje të mirë shëndetësore. Ata janë izoluar në banesat e tyre në Firence.
Koronavirusi, siç mund të parashikohej me lehtësi, ka prekur edhe botën e sportit. Virologët kanë shpjeguar se CONVID-19 është një virus që nuk bën dallim dhe godet këdo, edhe sportistët, të cilët janë të monitoruar në mënyrë konstante. Daniele Rugani i Juventusit ishte rasti i parë në Serinë A, pas tij Gabiadini i Sampdorias dhe disa lojtarë të tjerë po të këtij ekipi. Trajneri i parë që ka rezultuar pozitiv është spanjolli Mikel Arteta i Arsenalit. Shumë klube në Europë kanë përfunduar në karantinë dhe me kalimin e orëve parashikohet që rastet e të prekurve nga Koronavirusi të shtohen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje