.png)
Një gjest i bukur nga skuadra spanjolle e Valadolidit, që ka presidenti Ronaldo “Fenomenin”. Në Spanjë, situata e emergjencës nga Koronavirusi po përkeqësohet nga dita në ditë dhe qeveria ka vendosur të mbyllë çdo aktivitet, ku pjesëmarrja e njerëzve është e madhe, sepse kështu rrezikohet infektimi masiv.
Numri i viktimave është rritur menjëherë në Spanjë, ku lajmi i gjestit të Real Valadolidit ka bërë bujë. Drejtuesit e kësaj skuadre vendosën të refuzojnë tamponët e vënë në dispozicion nga Federata Spanjolle e Futbollit, duke u dhënë një mundësi atyre që kanë më shumë nevojë për to.
“Nuk i kemi pranuar tamponët për arsye mjekësore dhe sociale. Asnjë futbollist i skuadrës sonë nuk ka shfaqur simptoma dhe kemi menduar se dikush tjetër ka nevojë shumë më shumë se ne. Këta janë personat, të cilëve u duhet dhënë prioritet në këtë moment shumë të vështirë”, – shkruhet në njoftimin e publikuar na faqen zyrtare të klubit të drejtuar nga Ronaldo. Një gjest që është përshëndetur nga të gjithë në Spanjë dhe jo vetëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje