.png)
Pas mocionit për rrëzimit e qeverisë “Kurti”, Lidhja Demokratike e Kosovës ka kërkur sot krijimin e një qeverie të përkohshme. LDK-së i duhet fillimisht që të sigurojnë 61 vota në Kuvendin e Kosovës.
Kreu i Lidhjes Demokratike, Isa Mustafa thotë se Kosovës i duhet një qeveri e re e përkohshme, pasi gjendet në një situatë emergjente.
“Duke ritheksuar problemin në partneritetit me SHBA-të dhe BE-në drejt integrimeve euro-atlantike, si dhe sigurisë kombëtare, në situatën emergjente në të cilën ndodhemi, ju bëjmë thirrje deputetëve të Kuvendit të Republikës së Kosovës që përmes votës së mosbesimit të votojnë këtë mocion”, tha Mustafa.
Sipas LDK-së formimi i një qeverie të re, me kohëzgjatje të kufizuar do të adresonte sfidat e menjëhershme me të cilat ballafaqohet Kosova, si në pozicionin e politikës së jashtme, ashtu edhe në dinamikat e krijuar brenda vendit”, shkruhet në dokument.
Në mocionin e LDK-së, thuhet se kryeministri Albin Kurti ka vënë në rrezik marrëdhëniet me Shtetet e Bashkuara të Amerikës, duke pamundësuar funksionimin e saj.
Lidhja Demokratike e Kosovës thotë se SHBA ka vendosur sanksione për mos heqjes e tarifës ndaj mallrave serbe. Partia e udhëhequr nga Isa Mustafa e akuzon Albin Kurtin për krizë të brendshme politike në vend me shkarkimin e ministrit të Brendshëm, Agim Veliu, një nga njerëzit më të besuar të LDK-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje