.png)
Ambasadorët e vendeve anëtare të Bashkimit Europian kanë gjetur dakordësinë këtë të premte duke dhënë dritën jeshile për hapjen e negociatave për Shqipërinë dhe Maqedoninë e Veriut.
As Franca dhe as Holanda nuk kanë dhënë sinjale vetoje në këtë takim që i paraprin vendimmarrjes finale, që nëse nuk ka ndonjë të papritur për shkak të situatës së shkaktuar nga pandemia e koronavirusit do të merret më 24 mars.
Franca hoqi pengesën pasi ndryshimet e propozuara prej saj në metodologjinë e zgjerimit u morën parasysh, duke e ndryshuar procesin thelbësisht, nga një proces pa kthim, në një proces që mund të rikthehet.
Ndërkohë, Holanda vendos theksin tek lufta kundër korrupsionit dhe e krimit të organizuar, vijimi i reformës në drejtësi dhe forcimi i shtetit ligjor. Megjithatë, Amsterdami ka sinjalizuar se nuk do të vendosë veton, por thjesht do t’i ngrejë si shqetësime.
E papritura ka ardhur nga Greqia. EUObserver shkruan se Athina në këtë takim ka folur për dy kushte. Kushti i parë ka të bëjë me regjistrimin e popullsisë, ndërsa kushti i dytë rishikimi i ligjit për pronat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje