.png)
Një ndihmë për qytetin në këtë periudhë shumë të vështirë. Liverpuli zbret në fushë për të dhënë një dorë në situatën e emergjencës nga Koronavirusi, që ka krijuar radhë të mëdha në supermarkete.
Kampionët e Europës kanë vendosur të vënë në dispozicion stjuardët e stadiumit, të njohur për efiçencën e tyre, për të zgjidhur problemin e njerëzve që qëndrojnë në radhë jashtë supermarketeve nga frika se mallrat do të mbarojnë. Kështu, ata do të ndihmojnë për të administruar fluksin e personave, duke respektuar distancën e caktuar sipas rregullave.
“Kemi një mesazh për menaxherët e supermarketeve, – shkruan në Tuiter administratori i deleguar i Liverpulit, Peter Mur. – Stjuardët që punojnë në stadiumin tonë vënë në dispozicion kohën dhe eksperiencën e tyre për të kontrolluar turmat e njerëzve para supermarketeve, por edhe të parkingjeve. Mund t’i ndihmojnë njerëzit edhe për të çuar mallrat në shtëpi. Në fushën e tyre janë më të mirët, pa dyshim, ndaj dhe janë të lumtur për t’iu ndihmuar dhe për t’ua bërë gjithçka më të sigurt. Ju lutemi, na kontaktoni”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje