.png)
“Futbolli shampanjë”. Është një shprehje që bëri epokë dhe që mbetet gjithmonë e lidhur me emrin e Mishel Hidalgos, i ndarë sot nga jeta në moshën 87-vjeçare, pas një sëmundjeje të rëndë. Ndarja nga jeta e ish-trajnerit të njohur francez, nuk ka lidhje me pandeminë e Koronavirusit.
Momenti i artë i karrierës si trajner i Hidalgos i përket gjysmës së parë të viteve ‘80, kur ai drejtoi kombëtaren e Francës. Me të në stol, Franca arriti së pari deri në gjysmëfinale të Botërorit të Spanjës në vitin 1982. Këtë kompeticion francezët e mbyllën në vend të katërt, ndërsa dy vite më pas fituar Europianin.
Europiani i 1984-ës u zhvillua pikërisht në Francë dhe skuadra e trajnerit Hidalgo u dhuroi jo vetëm trofeun vendësve, por edhe një lojë brilante. Ishte një lojë me ritëm, e pëlqyer shumë nga publiku dhe e orientuar gjithmonë drejt sulmit, ndaj dhe u pagëzua me “futbolli shampanjë”. Në ato vite Franca kishte në përbërje yje si Mishel Platini, Zhires, Tigana dhe Fernandes, të cilët dhanë një kontribut të madh.
I rritur në Normandi, Hidalgo ka qenë një mesfushor me kualitet, kampion i Francës me Reims në vitin 1955, ndërsa një vit më pas shkoi deri në finale të Kupës së Kampioneve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje