.png)
Mark van Ranst, një virolog belg dhe konsulent i “Jupiler Pro League” (kampionatit elitar në Belgjikë), nuk e përjashton mundësinë që futbollistët të kthehen në fushë me maska dhe të luajnë me to në ndeshjet zyrtare.
“Me siguri është një rrugë që duhet marrë në konsideratë, – thotë Ranst për “Le Soir”. – Nuk është fjala për maska kirurgjikale, sepse janë të papërshtatshme. Në internet gjenden maska anti-infeksion që mund të mbahen nga futbollistët dhe çiklistët. Janë maska më komode, me të cilat mund të luhet futboll”.
Imazhet e futbollistëve të Gremios, të cilët një muaj më parë hynë në fushë me maska në shenjë proteste, mund të kthehen në një normalitet në futbollin e kohës së koronavirusit. Të paktën në Belgjikë, ku aktualisht ka përplasje të forta mes Federatës dhe Ligës nga njëra anë dhe UEFA-s nga ana tjetër.
Drejtuesit e futbollit belg kërkojnë që të mbyllin kampionatet që tani (më 24 prill merret vendimi zyrtar në asamble), por kanë marrë kohë, pasi UEFA e kërcënoi Belgjikën se do t’i përjashtonte skuadrat e saj nga kompeticionet europiane. Gjatë kësaj jave klubet e “Jupiler Pro League” kanë nisur të stërviten.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje