.png)
Kryeministri Edi Rama thotë se dyqane joushqimore me objekt aktiviteti krejt tjetër nga ato çka lejon ligji duke filluar nga dita e hënë kanë lajmëruar se do të hapen. Ai u kujton pronarëve të këtyre bizneseve që të bëjnë kujdes, pasi mund të penalizohen nga ligji.
“Bizneset e lejuara në bazë të urdhrit të ministres së Shëndetësisë për javën e ardhshme janë të publikuara në portalin e-Albania, së bashku me protokollet përkatëse të sigurisë shëndetësore”, shkruan Rama.
Hapja e bizneseve që nuk ndodhet në listën e publikuar, Rama thotë se është e paligjshme, ndërsa për bizneset që janë të përfshirë në këtë listë do të duhet të marrin lejen për ushtrimin e aktivitetit nga e-Albania.
“Hapja e çdo aktiviteti jashtë asaj liste të miratuar është e kundërligjshme. E-Albania do të ketë gati nga sot në mbrëmje, edhe lejen për ushtrimin e aktivitetit në bazë të listës së miratuar, të cilën çdo biznes duhet ta disponojë nga e marta e tutje për ushtrimin e veprimtarisë së vet”, sqaron Rama.
Në fund, kreu i Qeverisë paralajmëron se nga java e ardhshme mund lista e bizneseve që mund të hapen mund të zgjerohet edhe më tej, duke filluar nga java e ardhshme, por gjithmonë, thotë ai, duke parë ecurinë në luftën kundër pandemisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje