.png)
Edhe një klub shumë i pasur dhe potent, si Paris Seint Zhermen, rrezikon shumë në një situatë si kjo që ka krijuar koronavirusi. Presidenti i këtij klubi, sheiku Naser Al-Khelaifi, lëshon alarmin në këtë moment delikat: “Nuk ka asnjë sekret, dihet botërisht që pagesat e futbollistëve janë të larta. Shpresoj që ata të bëjnë një sforco për të ndihmuar klubet e tyre, sepse kjo krizë mund të provokojë një impakt të dukshëm në kasat tona”, – ka thënë Al-Khelaifi.
Presidenti i PSG-së, një nga më të pasurit në botën e futbollit, është shumë i shqetësuar për atë çfarë po ndodh aktualisht me klubet, ndaj dhe ka një apel: “Duhet të jemi të bashkuar dhe jo egoistë për të dalë nga kjo krizë. Nuk ekzistojnë klubet e mëdha dhe klube të vogla në këtë moment. Duhet të dalim më të fortë se më parë nga kjo situatë”, – është shprehur ai.
“E dimë të gjithë se çfarë është në lojë, mbijetesa e disa klubeve të Ligue 1 dhe Ligue 2. Nëse ka një moment që duhet të punojmë të gjithë bashkë, është pikërisht ky. Për përfundimin e sezonit e kam thënë që në fillim: të veprojmë sipas udhëzimeve që japin qeveria dhe UEFA”, – thekson në fund kreu i klubit të njohur francez. Dhe kur e ngre zërin ai në lidhje me pagat e larta të lojtarëve, imagjinoni të tjerët…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje