.png)
Është përmirësuar së fundi gjendja shëndetësore e Junior Sambia, mesfushorit të Montpeljesë, i infektuar nga koronavirusi ditë më parë. “Equipe” bën me dije se futbollisti ka dalë nga gjendja e komës, nuk është më i intubuar dhe se arrin të marrë frymë vetë.
Sambia po luan në spital ndeshjen e tij më të vështirë. Për shkak të gjendjes së rëndë që po kalonte, 23-vjeçari iu nënshtrua terapisë intensive. Agjenti i futbollistit i ka thënë “Le Parisien” se Sambia është transferuar në një spital tjetër: “Ka vuajtur për tri ditë dhe të martën shkoi në spital, ku gjendja e mushkërive të tij u përkeqësua. U transferua në një strukturë tjetër spitalore, ku vendosën që të futej në gjendje kome”.
Tashmë Sambia ka dalë nga kjo gjendje, duke dhënë sinjale pozitive. Rasti i mesfushorit të Montepljesë është ndër më të rëndët sa i takon botës së futbollit në kohën e pandemisë së koronavirusit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje