.png)
Komiteti Ekzekutiv i Federatës Shqiptare të Futbollit zhvilloi sot mbledhjen e radhës, jo në një sallë të institucionit, por me anë të një video-konference, për të shmangur rrezikun e infektimit nga Covid-19.
Në mbledhje është diskutuar për situatën që po kalon futbolli shqiptar në pandeminë e koronavirusit. Komiteti vendosi që Asambleja e Përgjithshme 2020 të zhvillohet më 11 maj, edhe ajo me video-konferencë. Asambleja do të zhvillohet pas më pas se dy javësh dhe atëherë do të jetë e pamundur që pjesëmarrësit të jenë fizikisht në sallë, nëse kemi parasysh situatën që po kalon vendi.
Me siguri në Asamble do të diskutohet për mbylljen e sezonit aktual, formulën që do të aplikohet dhe çështje të tjera të rëndësishme. Në mbledhjen e sotme janë miratuar gjithë materialet që do t’u dërgohen antarëve një javë para zhvillimit të Asamblesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje