.png)
Bundesliga mund të rifillojë që më 15 maj? Ky është lajmi i fundit që raporton “Reuters”, duke iu referuar burimeve të ndryshme politike. Mbledhja mes presidentëve të rajoneve dhe qeverisë, e programuar për të mërkurën, pritet të marrë këtë vendim. Kancelarja Angela Merkel tha javën e shkuar se më 6 maj do të merret një vendim i qartë për futbollin.
Dhe duket se akordi është arritur për ta rifilluar futbollin në mes të majit. Skuadrat e Bundesligës kanë nisur stërvitjen që më 6 prill, por ende jo me një grup të bashkuar. Këto ditë janë bërë teste të shpeshta për futbollistët, për të dhënë më pas “ok”-in për stërvitjen e plotë. Në serinë e parë kanë rezultuar pozitivë 10 raste nga 1724 teste, kurse në serinë e dytë nuk ka pasur raste të infektuarisht.
Skuadrat e prekura janë Këlni (dy lojtarë dhe një fizioterapist), Dinamo Dresden (një lojtar), Borusia Mënshengladbah (një lojtar dhe një fizioterapist) dhe Aue (një pjesëtar i stafit). Bundesliga është ndalur më 13 mars dhe tani është gati të rinisë, natyrisht me dyer të mbyllura. Vendimi pritet të merret në mbledhjen e qeverisë. Nëse nis më 15 maj, Bundesliga do të jetë kampionati i parë nga 5 më të rëndësishmit, që nis aktivitetin.
Edhe Portugalia do të rinisë kampionatin në fund të majit. Qeveria e ka dhënë “ok”-in për rikthimin në fushë dhe vendimi pritet vetëm të ratifikohet nga Ministria e Shëndetit. Problem është vetëm fakti që jo të gjitha skuadrat kanë stadiume që plotësojnë normat e protokollit. Nuk mund të luhet, për shembull, në ishujt Madeira dhe Azorre. Ideja është për të përdorur vetëm 9 stadiumet e Europianit 2004. Duhen 2 autobusë për çdo skuadër dhe dy uniforma për një ndeshje, nga një për çdo pjesë, teste para çdo ndeshjeje dhe numër i limituar gazetarësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje