.png)
Numri i personave që kanë humbur jetën për shkak të Covid-19 në Mbretërinë e Bashkuar është rreth dyfishi i shifrave zyrtare që njoftohen çdo ditë.
Numri i vdekjeve nga koronavirusi i bërë me dije nga qeveria, ishte mbi 28 mijë deri më 1 maj, por rishikimi i regjistrit të gjendjes civile deri në atë kohë, tregon se në rreth 36 mijë certifikata vdekjeje të lëshuara përmendej Covid-19 si shkak.
Mënyra e llogaritjes që preferohet nga ekspertët e statistikës, duke numëruar të gjitha vdekjet, e bën bilancin edhe më të lartë: më shumë se 50 mijë jetë të humbura që prej shpërthimit të pandemisë. Por, çdo llogaritje u jep përgjigje pyetjeve të ndryshme.
BBC, në artikull, shpjegon pse nuk duhet të merren për bazë shifrat e përditshme të qeverisë. Sipas medias britanike, në raportimin e Departamentit të Shëndetësisë përfshihen vetëm ata persona që humbasin jetën dhe që janë të konfirmuar me koronavirus.
Kjo është një metodë me mjaft mungesa pasi në të nuk përfshihen viktimat e pa testuara për Covid-19 dhe para disa javëve, Anglia nuk përfshinte në shifrat zyrtare personat që vdisnin nga virusi jashtë spitaleve. Kohëve të fundit, qeveria e Londrës ka përmirësuar mënyrën e llogaritjes dhe në ditën e fundit raportoi mbi 600 viktima.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje