.png)
Parlamenti mblidhet këtë të enjte, ku në rendin e ditës është edhe ndërhyrja në ligjin për Tatimin mbi Vlerën e Shtuar, për të përjashtuar nga kjo taksë jahtet. Socialistët e mbrojnë këtë nismë si përpjekje për të nxitur dhe afruar turizmin.
Por, pikërisht shqyrtimi i kësaj nisme në një kohë krize të shkaktuar nga pandemia e koronavirusit është marrë nga ana e Partisë Demokratike si shembulli që tregon se mazhoranca nuk e ka mendjen tek qytetarët.
“Në një kohë kur bizneset ndjejnë shtrëngimin e darës së krizës qeveria vazhdon të mendojë për të njëjtët njerëz. I vendosur në drejtimin dhe frymëzuar nga klubi i ortakëve oligarkë me të cilët ndan çdo pasuri publike dhe private, Rama do ta kalojë këtë projektligj në atë që quhet Parlament, por që është një noter”, deklaroi ish-deputetja demokrate, Jorida Tabaku.
Ndërhyrja në ligjin për TVSH-në për të përjashtuar nga kjo taksë jahtet dhe mjetet e tjera ujore për qëllime turistike është dorëzuar në Kuvend si propozim i Qeverisë më datë 10 prill të këtij viti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje