.png)
Futbolli dhe të gjitha llojet e tjera të sporteve mund të fillojnë të ushtrohen tashmë. Ky është vendimi i Ministres së Shëndetësisë, Ogerta Manastirliu, i firmosur më datë 15 maj dhe që ka hyrë në fuqi menjëherë. Sipas këtij vendimi, stërvitja është e lejuar vetëm në ambiente të hapura, kështu që për futbollin është gjithçka në rregull.
Ishte vendosur ditë më parë se më 18 maj, pra nesër, do të niste stërvitja e skuadrave të futbollit, por në mënyrë individuale, ndërsa tani, pas vendimit të fundit, ajo mund të jetë kolektive. Kushti i Ministrisë së Shëndetit është që klubet e futbollit të respektojnë me përpikëri protokollin e sigurisë.
Për datën e rifillimit të aktivitetit të ndërprerë, pra të ndeshjeve, nuk ka ende asnjë konfirmim nga ana e qeverisë. Federata Shqiptare e Futbollit ka vendosur që më 3 qershor të fillojë Superiorja, kurse kategoritë e tjera më 7 qershor, por asgjë nuk mund të bëhet pa dhënë miratimin qeveria në lidhje me këtë çështje. Tani për tani, futbolli mund t’i gëzohet vetëm rifillimit të stërvitjes në fushë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje