.png)
Lens Armstrong përbën lajm gjithmonë. Gjatë një dokumentari për jetën e tij, që do të transmetohet nga “Espn”, ish-çiklisti nga Teksasi ka zbuluar një detaj të rëndësishëm. Amerikani i skualifikuar përjetësisht për përdorim dopingu në vitin 2012, kur i janë hequr 7 fitore të “Tour de France”, ka pranuar disa herë se ka marrë substanca të ndaluara gjatë karrierës.
Amstrong ka pranuar atë që të gjithë kanë dyshuar gjithmonë: dopingu mund t’i ketë shkaktuar kancerin, nga i cili ish-çiklisti amerikan u shërua. “Nuk e di me siguri, nëse ka një lidhje mes këtyre gjërave, dopingut dhe kancerit, por sigurisht që nuk mund ta përjashtoj si mundësi. E vetmja gjë që mund të them është se e vetmja herë në jetën time që kam përdorur hormone rritjeje, ka qenë në vitin 1996. Që në sezonin tim të parë si profesionist (ka qenë 21 vjeç) kam përdorur kortizon”, – është shprehur Amstrong.
Amerikani pohon gjithashtu një fakt tjetër: “Nuk dua të gjej justifikime, por në atë kohë të gjithë përdornin substanca të ndaluara, ishin pjesë e një sistemi. Gjithsesi, unë do të kisha fituar edhe pa u dopuar”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje