.png)
Eridon Qardaku ishte lojtari i parë në Shqipëri që u infektua nga Covid-19, siç e pranoi edhe vetë, pasi rezultoi pozitiv në testin e parë. Në testin e dytë sulmuesi shkodran rezultoi negativ. Lajmin e konfirmon klubi i Bylisit me një njoftim në faqen zyrtare.
“Lojtari ynë, Eridon Qardaku, ka kryer tamponin e dytë dhe ka rezultuar negativ. Rikthimi i tij me grupin sigurisht që shton organikën dhe rrit cilësinë në skuadrën tonë në prag të sfidave të radhë”, – shkruhet në njoftimin e klubit ballshiot për çështjen e sulmuesit shkodran. Por, sipas rregullores, lojtari duhet të qëndrojë edhe dy javë të tjera i izoluar, kështu që do ta kenë gati për ndeshjet e fundit.
Bylisi luan të enjten ndeshjen e parë çerekfinale të Kupës së Shqipërisë me Skënderbeun, ndërsa në kampionat ndeshet me Vllazninë, një sfidë direkt për qëndrimin në Superiore, saktësisht për të shmangur ndeshjen shtesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje