.png)
Një ditë pasi Policia e Shtetit deklaroi se i ka të gjitha listat me emrat e personave të prekur me koronavirus në vend, Drejtori i Përgjithshëm i Policisë, Ardi Veliu u ka dhënë detyrat komisariateve lidhur me situatën alarmante me COVID-19 në Shqipëri pas shtimit të rasteve.
Kryepolici Veliu ka kërkuar nga çdo komisariat nga një listë për zonat e tyre të personave që janë pozitivë me koronavirus dhe është detyra e policëve të kontrollojnë nëse ata po zbatojnë vetizolimin apo jo.
Një tjetër porosi është ndalimi i çdo grumbullimi, përfshirë edhe ato politike, ashtu siç paralajmëroi edhe kryeministri Rama një ditë më parë.
Mësohet se Veliu ka kërkuar nga policët të jenë të pajisur me maska dhe po ashtu të kontrollojnë nëse në qendra tregtare dhe supermarkete klientët i përdorin ato.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje