.png)
Komisioni i Pavarur i Kualifikimit ka shkarkuar nga detyra gjyqtaren e Apelit, Nure Dreni.
Sipas trupës gjykuese në seancën e zhvilluar ditën e sotme, Dreni nuk ka rezultuar e pastër në 3 komponentët e rivlerësimit të Vettingut, në pasurinë, aftësinë profesionale dhe pastërtinë e figurës.
Nure Dreni është gjyqtarja, e cila riktheu në detyrë Luan Dacin, anëtarin e Komisionit të Posaçëm të Apelimit, (KPA), me argumentin se nuk ka kryer falsifikim të dokumenteve, në mosdeklarimin e masës disiplinore të shkarkimit nga detyra si i paaftë në vitin 1997. Ajo eshte
edhe gjyqtarja e trupit gjykues të Saimir Tahirit, që në datë 24 qershor duhej të jepte vendimin per ish-ministrin
Ndërkohë po ditën e sotme Komisioni i Pavarur i Kualifikimit ka konfirmuar në detyrë, Elona Stavri Toro, e cila punon në Gjykatën e Apelit të Tiranës.
Po kështu sot KPK ka konfirmuar edhe gjyqtaren Edlira Petrin. Ajo është konfirmuar në detyrë me shumicë votash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje