.png)
Socialistët kanë kërkuar mbledhjen e Këshillit Politik pasditen e së mërkurës, ku palët të dorëzojnë paraprakisht propozimet e tyre për të gjitha çështjet ende pa dakordësi mes palëve dhe nëse gjendet konsensus kalimi i tyre në bllok.
“Urgjenca” me të cilën Gjiknuri kërkon mbledhjen e Këshillit Politik lidhet me përfundimin e afatit të punës së Komisionit të Posaçëm Parlamentar të Reformës Zgjedhore, përmes të cilit do të “certifikohet” konsensusi jashtëparlamentar.
Gjiknuri ka propozuar mbledhjen në orën 17:00, ku pret në bllok dorëzimin e propozimeve për të gjitha çështjet që ndajnë palët, përfshirë këtu edhe formulën e përzgjedhjes së 12 anëtarëve të Komisionit Qendror të Zgjedhjeve dhe më pas miratimi i të gjitha ndërhyrjeve që do të bëjë Kuvendi në Kodin Zgjedhor.
Kjo lëvizje e mazhorancës mbërrin pas paralajmërimit nga ana e Kryeministrit Edi Rama, që një ditë më parë tha se do të presë deri më datë 30 qershor, kohë kur përfundon afati i Komisionit të Reformës Zgjedhore në Parlament dhe më tej me, apo pa dakordësinë e opozitës do të miratojë reformën zgjedhore.
“Brenda javës mbaron procesi i diskutimeve mes mazhorancës dhe opozitës jashtëparlamentare për marrëveshjen e Këshillit Politik. Në të gjitha rastet me dakordësi, apo pa dakordësi detajet do i dorëzohen Komisionit të Reformës Zgjedhore, deri me 30 qershor, kur mbaron dhe afati i punës”, tha Rama.
Këtë deklaratë, kreu i Qeverisë e bëri gjatë një takimi të zhvilluar në distancë me Këshillin Koordinues të Diasporës. Rama u premtoi emigrantëve të drejtën për të votuar, por jo në zgjedhjet e radhës. Zotimin se në zgjedhjet pas zgjedhjeve të radhës, emigrantët do të votojnë e dha edhe përfaqësuesi i socialistëve në Këshillin Politik, Damian Gjiknuri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje