.png)
Zhvillime të reja për të ardhmen e Marash Kumbullës, në qendër të merkatos prej kohësh dhe një lojtar i dëshiruar nga klubet më të mëdha italiane, gjermane dhe angleze. Në Itali shtypi sportiv shkruan se Lacio ka fituar terren dhe ka parakaluar Interin për disa arsye, ku e para është ajo financiare.
Sipas “Sportmediaset”, klubi bardhekaltër është gati të bëjë një ofertë më të mirë se Interi në këtë moment. Zikaltrit i kanë ofruar Veronës 25 milionë euro, plus 3 milionë euro bonus për mbrojtësin e Shqipërisë, ndërsa oferta e Lacios në një takim të programuar për këto ditë do të jetë më e lartë. Një tjetër arsye që mund ta çojë Marash Kumbullën te Lacio është se presidentët Lotito dhe Seti kanë raporte të shkëlqyera mes tyre.
Po ashtu, në mes është edhe Igli Tare, drejtori sportiv i Lacios. Ai ka kohë që punon për transferimin e Kumbullës, sipas mënyrës së vet. Tare me siguri i ka takuar familjarët e mbrojtësit shkodran dhe u ka bërë të qartë atyre planet serioze për mbrojtësin që ka shpërthyer që në moshën 20-vjeçare. Ish-kapiteni i Kombëtares e ka treguar se ia arrin qëllimit kur vë në shënjestër një lojtar. Për momentin, e ardhmja e Kumbullës duket më afër Lacios.
Burimi: Sportmediaset / Përktheu: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje