.png)
Kryeministri Edi Rama nuk e merr përsipër përgjegjësinë e organizimit të një tryeze mes udhëheqësve mbarëshqiptarë për të folur mbi situatën e re të krijuar pas lëshimit të akt-akuzave ndaj Hashim Thaçit dhe Kadri Veselit për krime lufte.
Megjithatë, Rama u shpreh i gatshëm që të marrë pjesë në një tryezë të tillë. Kryeministri i Shqipërisë zbuloi se më 3 korrik do të ketë një takim me Avdullah Hotin, takim që është kërkuar nga ky i fundit.
“Para se vinim këtu kam marrë një kërkesë për takim dhe në 3 korrik, në mos gaboj unë do të takohem me Kryeministrin Hoti”, deklaroi Rama gjatë një interviste të dhënë për emisionin “Rubikon”.
Kryeministri nënkuptoi se personi më i përshtatshëm për të organizuar një tryezë mbarëshqiptare është Ilir Meta.
“Nëse Presidenti i Shqipërisë bën një ftesë të tillë, unë do të isha i pari që do të merrja pjesë me kënaqësi më të madhe”, u shpreh Kryeministri.
Ideja e një tryeze mbarëkombëtare mes udhëheqësve politikë shqiptarë në Kosovë, Shqipëri dhe Maqedoninë e Veriut u hodh nga Behgjet Pacolli pas zhvillimeve të fundit në Prishtinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje