.png)
Policia e Mallakastrës ka evidentuar një rast të kultivimit të bimëve narkotike dhe ka shpallur në kërkim autorin e dyshuar si dhe ka proceduar penalisht kryeplakun e fshatit dhe punonjësin e ujësjellës-kanalizimeve.
Bimët narkotike janë zbuluar në një zonë të pyllëzuar në fshatin Poçem, në afërsi të lagjes “Belagore”.
Në kërkim është shpallur 26-vjeçari me inicialet K. S., banues në Poçem, dhe po punohet për kapjen e tij.
Gjithashtu është proceduar penalisht kryeplaku i fshatit, shtetasi A. S., 65 vjeç, si dhe punonjësi i ujësjellës kanalizimeve Mallakastër, shtetasi A. B., 60 vjeç, për veprën penale “Shpërdorim detyre”, pasi në tubin kryesor që furnizon me ujë të pijshëm lagjen “Belagore” autori ka ndërhyrë duke bërë lidhje të paligjshme.
Materialet i kaluan Prokurorisë pranë Gjykatës së Shkallës së Parë Fier, për veprat penale “Kultivimi i bimëve narkotike” dhe “Shpërdorimi i detyrës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje