.png)
Kryeministri i Hungarisë, Viktor Orbán, akuzoi sot kryeministrin holandez se po përdor të njëjtat metoda si ish-udhëheqësit komunistë të vendit të tij të dielën, pasi liderët e BE u përplasën publikisht gjatë negociatave të tensionuara për ndarjen e një buxheti prej 1.8 trilionë eurosh për rimëkëmbjen pas pandemisë.
Dita e tretë e samitit të 27 kryetarëve të shteteve dhe qeverive të BE-së, i pari në për pesë muaj nxorri në pah edhe më shumë diferencat e thella midis veriut dhe jugut, lindjes dhe perëndim.
Në një darkë të mbajtur vonë të dielën, presidenti i këshillit europian, Charles Michel, i cili po kryeson samitin, pyeti krerët nëse ishin “të aftë të rikthenin unitetin dhe besimin europian”. Nëse jo, sipas tij, ata do të zbulonin fytyrën e një Europe të dobët, të ndarë nga mosbesimi
Kryeministri hollandez Mark Rutte tha të hënën se liderët e BE po përparonin, por paralajmëroi se diskutimet mund të dështojnë përsëri. “Situata nuk dukej mirë natën e kaluar, por unë mendoj se në përgjithësi ne po përparojmë,” u tha Rutte gazetarëve në Bruksel. Ai dhe liderët e tjerë të BE do t’u rikthehen bisedimeve sërish pasditen e sotme.
Udhëheqësit kanë qenë në debate të mëdha mbi madhësinë e fondit të rimëkëmbjes për vendet e goditura më shumë nga pandemia e koronavirusit dhe buxheti shtatëvjeçar i BE-së, i njohur si korniza shumë-financiare, e cila do të fillojë vitin e ardhshëm.
Rutte ka këmbëngulur se nuk mund të marrë një borxh kombëtar shtesë në mënyrë që BE të bëjë pagesa të parave për shtetet anëtare dhe parlamenti i tij të mos ketë mundësi të marrë asnjë vendim.
Si përgjigje, Orbán, i cili ishte një disident antikomunist në rininë e tij, akuzoi Rutte se po apelonte metodat sovjetike, duke bllokuar fondet e përbashkëta. Holanda po kërkon siguri se borxhet do të shpenzohen siç duhet.
“Ata do të donin të futnin një mekanizëm të ri që nuk ekziston deri më tani,” u tha Orbán gazetarëve, për propozimin holandez. ” Unë jam duke ardhur nga një vend ish-komunist. Kur regjimi komunist vendosi të na sulmonte, ata përdorin terma juridikë të pa sqaruar, ashtu si po vepron atni Holanda, duke thënë ‘mangësi të përgjithshme’. Kur u arrestova nga policia dhe i pyeta se çfarë kisha bërë që është e paligjshme, ata nuk më dhanë asnjë shpjegim”
Si përgjigje, Rutte tha të hënën: “Ne nuk jemi këtu sepse do të jemi vizitorë në ndonjë festë. Ne jemi këtu sepse bëjmë biznes për vendin tonë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje