.png)
Në moshën 54-vjeçare, ish-boksieri i madh amerikan, Majk Tajson, do të kthehet në ring. Nuk është fjala për aktin e tretë të sfidës me Evander Holifilldin, ish-kampioni i peshave të rënda do të sfidojë Roi Xhons Xhunior, 51 vjeç dhe ish-kampion në katër kategori të ndryshme.
Do të jetë në fakt një ndeshje ekzibicioni me 8 raunde. Ndeshja është parashikuar të zhvillohet më 12 shtator, me shumë mundësi në Kaliforni. Tajson i mungon ringut që prej vitit 2005, kur u mund nga Kevin MekBrajd. “Bisha” kthehet kështu në ring pas disa muajsh stërvitje.
Kundërshtari i Tajsonit është një tjetër legjendë e boksit botëror, Roi Xhons Xhunior. 51-vjeçari, reper dhe aktor, ka bërë ndeshje deri në vitin 2018 dhe e ka mbyllur karrierën me një rekord prej 66 fitoresh dhe 9 humbjesh. Edhe pse niveli i kundërshtarëve të tij është ulur gradualisht me kalimin e viteve, ai ka fituar 12 nga 13 ndeshjet e fundit. Xhons është konsideruar një nga boksierët më të mirë të gjeneratës së tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje