.png)
Java e 35-të e Superiores, që është edhe java e parafundit e kampionatit, zhvillohet e gjitha sot, ndryshe nga javët e mëparshme, ku ndeshjet shpërndaheshin në 2 apo 3 ditë. Çështja e titullit kampion është zgjidhur, Tirana e ka fituar atë javën që shkoi, ndaj dhe sot shkon më shumë si “turiste” në fushën e Laçit. Kurbinasit duan të ruajnë me çdo kusht vendin e tretë për të shkuar në Ligën e Europës dhe nuk mendohet të hasin në ndonjë rezistencë të bardhebluve.
Dy ndeshjet më interesante të javës pritet të jenë Partizani-Vllaznia dhe Kukësi-Skënderbeu. Shkodranët, në një luftë në distancë me Bylisin për qëndrimin direkt në Superiore, synojnë të marrim maksimumin në fushën e Partizanit. Të kuqtë tashmë nuk kanë asnjë motiv, janë jashtë Europe dhe disi të çorientuar pas largimit të Sormanit. Ata thjesht po presin mbylljen e kampionatit dhe që tani po punojnë për sezonin e ri, duke u fokusuar së pari te çështja e stafit të ri teknik.
Kukësi i vendit të dytë, pas humbjes me Vllazninë në Shkodër, ndeshet me Skënderbeun në “Elbasan Arena”. Është më tepër një sfidë prestigji për dy skuadra që i kanë dhënë tonin Superiores këto vitet e fundit. Kjo është e vetmja ndeshje e programuar për t’u zhvilluar në orën 20:45. Teuta luan në Vlorë ndaj Flamurtarit, kurse Bylisi pret Luftëtarin.
Superiore, java e35-të
Sot, ora 17:45
Partizani-Vllaznia
Laçi-Tirana
Flamurtari-Teuta
Bylis-Luftëtari
Ora 20:45
Kukësi-Skënderbeu
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje