.png)
Gjatë 20 vjetëve të pushtetit të presidentit rus Vladimir Putin ka pasur shumë raste kur kundërshtarët e hapur të Kremlinit dyshohen se janë helmuar, ndonjëherë me pasojë vdekjen. Radio Free Europe ka bërë një përmbledhje të këtyre rasteve, duke nisur nga helmimi i Aleksei Navalny…
E ndërkaq, Qeveria gjermane tha këtë të hënë se “ka mundësi” që kritiku i Kremlinit, Aleksei Navalny është helmuar në Rusi dhe se i duhet mbrojtje personale për sa kohë është duke u trajtuar në një spital në Berlin.
Navalny është dërguar nga Siberia në Gjermani më 22 gusht, pasi i ishte përkeqësuar gjendja gjatë një fluturimi për në Moskë.
Mjekët kanë thënë se ka pasur çrregullime me metabolizmin.
Ndihmësit e Navalnyt kanë thënë se besojnë se ai është helmuar kur ka pirë një gotë me çaj, që e ka blerë në aeroportin e qytetit Tomsk, para se të nisej në Moskë.
Për këtë arsye aeroplani është detyruar të bëjë ulje emergjente, meqë Navalny nuk është ndjerë mirë.
“Ne po përballemi me një pacient që ka mundësi të jetë helmuar”, ka thënë Steffen Seibert, zëdhënësi i kancelares gjermane, Angela Merkel.
Dyshimet ekzistojnë se dikush e ka helmuar Navalnyn – që dikush seriozisht e ka helmuar Navalnyn – e që fatkeqësisht kemi shembuj në historinë e kohëve të fundit në Rusi. Prandaj bota e konsideron këtë dyshim me shumë seriozitet”, tha ai.
“Pasi ekziston mundësia e sulmit përmes helmimit, mbrojtja është e domosdoshme”, ka shtuar mes të tjerash Seibert.
Ministria e Shëndetësisë për rajonin Omsk, ku Navalny është trajtuar fillimisht, ka thënë më 22 gusht se kafeina dhe alkooli janë gjetur në organizimin Navalnyt por jo “ndonjë helm sintetik”.
Dirk Wiese, koordinator i qeverisë gjermanë për çështje të Evropës Lindore, i ka thënë transmetuesit publik, ZDF, se lideri opozitar rus vazhdon të jetë në gjendje kritike, por të qëndrueshme në Spitalin Charite të Berlinit.
Wiese ka thënë se policia gjermane është duke ruajtur dhomën e Navalnyt si masë parandaluese./ RFE
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje